Musiek in die wind - 5 Dec 2008

Serani en Barry het getrou op Eureka Vrydag die 5de Des. Die twee het in hulle kerk se band ontmoet en ek dink hulle kindertjies gaan eendag baie talent hê!

Iza het haar make-up gedoen sy het n stunning bruid gemaak. Hulle diens was in Durbanville en ons moes weer bontstaan om hulle fotos te neem in die wind. Ons moes omtrent vashou om nie weggewaai te word nie. Ek dink die Bridesmaids het omtrent soos 3 Marylin Monroe's gevoel.
Ons het hulle fotos bo teen die berg by Eureka gaan doen. Na die tyd het iemand vir my gesê die wind word daar gemaak.

By die onthaal het ek en Iza bietjie met n "snoot" begin speel vir die dans fotos. n Snoot is iets wat die lig van jou flash kondenseer in een dun straal. Ek is baie opgewonde om dit meer en meer te gebruik. Dit was die eeste van sewe troues vir Desember en "so far so good"!

Reën, Reën, Reën - 29 Nov 2008

Laura en Steven het die naweek by Stellenrust net buite Stelelnbosch getrou. Die Reën het ons omtrent oorhoops gehad en ons hetStellenbosh vol gejaag opsoek na skuiling teen die reen en wind. Met die KAap weet mens ook nooit!
ONs het toe by die stasie meeste van die fotos gedoen. Vandaar af is ons Stellenbosch Square toe waar die rooi bakstene n baie urban feel gegee het.
Die twee se honeymoon is in Australië en ek moet se eks BAIE jaloers. Loer na hukke fotos by

Drie susters...

3 susters....3 susters op 3 susters....
Daar is mos so liedjie gesing deur Pieter Koen. Casper de Vries en sy trawante hardloop rond soos mal goed.
Drie susters het in een jaar getrou waarvan Danelle die 3de ene was. Ek het ook haar jonger sussie(Lelanie) se fotos gedoen. Wat sulke troues lekker maak is dat ek omtrent30% van die gaste al ontmoet het. Ek ken hulle gesin ook nou al goed en dit voel asof mense vriende se fotos doen.
Danelle en Xander het in Durbanville getrou en die onthaal was by Eureka. Ons het so baie wind met die couple shoot gehad dat ek nie kon durf om die sambrele uit te haal nie.Anders moes ekvir Iza in Blouberg tussen die kitesurfers gaan soek.
Die onthaal was great en ek het my goeie vriend Theo (DJ) weer raakgeloop. As daai mannetjie musiek maak kry jy my nie weg by n troue nie.
Loer gerus na hulle fotos hier

Mind the Gap (19 November 2008)

Woensdag was my rekord vir my kleinste troue nog. 5 mense... en dit sluit die couple in...
Debrah en Justin is van die Britse eilande en hulle het besluit om sommer hulle troue en wittebrood alles in een te doen. Alles het gebeur by Cellar Hohenort in Constantia. Die diens was in die tuin met n pou wat daar rondgepronk het. (min wetend dat hy ook later moet model speel)
Ons het die foto's sommer op die gronde gedoen en dit was baie lekker om tyd vir n slag te he. Die gaste(al drie van hulle) het ons vergesel en is toe later weg om n paar koues te gaan nuttig.
Debrah is regte engelse roos en sy het pragtig gelyk. Sy is in RSA gebore en dus ook die rede hoekom hulle op SA besluit het. Jy kan nooit Afrika uit iemand haal nie. Met die dominee wat n paar snaakse goed aangevang het, (wat onder andere die bruidegegom n rou eier laat drink het.... gin wonder toeristedink ons Afrikane is vreemd nie )en die afrika son wat hulle bietjie bygekom het voor die troue dink ek nie hulle sal hulle tyd hier gou vergeet nie.
Hulle is die oulikste mense en dit was n reuse voorreg om deel te kon wees van hulle troue.

Loer gerus na hulle fotos

Luilekker troue

Ons het Sondag 9 Nov Hanno en Lana se troue by Skilpadvllei gevier. Wat dit rerig spesiaal gemaak het is dit haar ouers en my ouers baie goeie vriende was van jonk af en was dit ook lekker vir my en Iza om saam met my ouers aan n tafel te kon sit. Dit was rerig n lekker kuier troue.
Hanno en Lana was baie verlief en ek dink almal was jaloers op die spesiale band wat die twee het. Hulle fotos het dit ook duidelik weerspiel.Stellenbosh was weer sy ou fotogeniese self en ons het ook die mooiste wingerdfotos gekry. Ek mos op my kar se dak staan om die perfekte shots te kry. (ek dink ek moet maar n roof rack aanskaf...)

Click hier vir hulle fotos

Die sewe jaar couple

Chantal en Stefan het omtrent 7 jaar uitgegaan voor hulle getrou het by Mooikelder net buite die Paarl.Wat my die meeste opgeval het was hoe ongelooflik verlief die 2 was. Hulle kon mekaar letterlik nie uitlos nie.Ek kan sien dat die twee op 90 eendag nog steeds gaan hande vashou en liefdevol wees.

Ons het absolute stunning weer gehad met so klein briesie wat ons darem koel gehou het. Die diens was buit in die tuin.Ons het fotos sommer net daar op die venue gedoen. Die hoogtepunt is sulke klomp kratte wat eenkant gestaan het. Mooiste teskture het saam met die beligting n pragtige backdrop gevorm.

Ons is daarna die onthaal binne na ons lekker geeet het en al die formaliteite afgehandel het, het die mense behoorlik begin dans.Jan Dorfling het my vandag gehelp en sommer self n paar foto`s ingekry.
Click hier om hulle fotos te loer.

Die Burger Bruid

Julle het seker almal van die bruid gelees in die burger wie se trourok net voor die troue gesteel is. Haar naam is Lisa en sy en Danie het Saterdag 1 November net buite Stellenbosch op hulle plaas getrou. Dit was miskien nie die rok wat sy beplan het nie, maar.... Sy het ongelooflik gelyk.

Ek het die vrydag kans gekry om gou na die venue te gaan loer en hulle het gewoel en gewerskaf dat die biesies bewe.
Die troue het laatmiddag begin en met van die gaste wat laat was, was alles laat. Dit het beteken dat ons op die ou einde net 25 min gehad het vir couple fotos. Nogals frustrerend omdat ons die ongelooflikste setting en lig gehad het. Met die son in die agtergrond en wolke wat kontras gegee het, het die bietjie foto's wat ons wel kon neem awesome uitgekom. EK dink die tip hieruit is:"maak liewers jou troue vroer as later"

By die onthaal het hulle die mooiste atmosfeer geskep deur konsol bottles (soos in ingelegde PErske bottels) met water halfpad te vul en n kersie daarop te laat dryf. Die het hulle dan gehang uit die dak uit met lang stukke draad. Nog n hoogtepunt is dit Addamsappel (n akkapella groep waarvan Danie n lid is) opgetree het by die troue. Sjoe daai ouens kan sing!
Toe ons weg is het hulle roomys vir die gaste opgeskep as nagereg vanaf n properse roomysstalletjie op die dansvloer.

Click hier vir hulle fotos







Click hier om hulle fotos te sien

Tzaneen se woude

2000km noord van Kaapstad is waar ek en IZa Saterdag 25 Oktober was vir Daniel en Esti-mari hulle se troue.Met die klimaat en plantegroei wat ongelooflik verskil het van die Wes-Kaap was die fotos omtrent n ondervinding in half gewees. Hulle het getrou op Esti-Mari se ouers se gronde en dit was baie spesiaal.
Ons het hulle foto's in n woud gedoen wat die mooiste kleure en teksture gehad het. Met die son wat vinnig sak in die Noorde van SA moes ons gou speel om nog die laaste lig te vang.
Die onthaal was hoog in die berge by Mosiac. Die atmosfeer was ongelooflik en die kos heerlik. Loer gerus na hulle foto's by

Roadtrip

Ons was weg vir 2 weke. n troue in Tzaneen gehad en sommer n behoorlike roadtrip daarvan gemaak. Die lekker ding was dat behalwe dat ons baie gerus het, baie geeet en baie friends gekyk het, het ons ook tyd geky om bietjie social foto's te neem. As julle wil loer na hulle click hier.

Toe ons terugvlieg sê ek vir Iza dit voel nie asof ons behoorlik gerus het nie. Maar as jy weer aan die gang kom in die Kaap dan voel jy die verskil in jou lyf. Dit was rerig great gewees.

My trouseisoen is weer in volle swang en 2 troues later woel ons om voor te bly. Met al my nuwe speelgoed is ek geleidelik besig om die stuff onder die knie te kry en is ek baie excited oor die volgende paar weke se troues.

As jy dus n gas is by een van die troues, kom se gerus hallo

Oor en uit!

Riekert

Die twee donkerkoppe

Ek was al relatief vroeg op vanoggend (enigiets voor 9 am is vroeg vir my). Die weird ding was dat selfs al was dit my en Iza se 5de troue 4 weke, het ek hierdie ongelooflike behoefte gehad om die beste foto's ooit te neem. Dit was asof dit my eerste troue was. Dit wys jou net hoe maklik dit is om opgewonde te raak oor iets wat jou passie is...
ok, na my Oprah-oomblik, terug na die troue...

Moedergemeente Stellenbosch en Kano was die 2 persele wat die troue gehuisves het. Christo en Carla was die paartjie.En Stellenbosch se omgewing was ons poskaarte. Stellenbosch het soveel fotoplekke. Mens kan 100 troues daar doen en almal se foto’s gaan verskil.Ons het die mooiste abstraktekunsstruktuur gekry wat so interessant was.

Kano was, soos in die verlede, weer op hulle stukke. Iza was besonders beïndruk met hulle slaai (al slaai wat ek van hou, is biltongslaai).Na ‘n lang dag het ek nou dadelik die foto’s afgelaai om te begin loer wat die dag vir ons opgelewer het.

In die Wolke

Ek het Saterdag seker een van die mooiste venues in die Wes-Kaap gesien. Oppad Franschhoek toe van Stellenbosch, bo-op die Helshoogtepas, lê "The Clouds".ONGELOOFLIK! Hulle het op ‘n dek getrou met 360 grade berge reg rondom. Die lente was uiteindelik hier en die blou lug het die prentjie voltooi.

Alison was so bietjie benoud voor die tyd, maar die troue het perfek verloop. Hulle is rêrig ‘n oulike couple en mal oor mekaar. Dit was so duidelik op die foto's na die tyd.

Die dag het gevlieg en toe ons weer sien toe pak ons op. Voete seer en vol smiles is ons huis toe.Allison was baie in haar noppies (wat beteken noppies in elk geval?) met die album wat ons vir hulle gedoen het.

Loer gerus na hulle fotos. Click op die opskrif

Stellenbosh die ultimate foto spot

Werner en Lelani in Stellenbosch getrou. Na ek en Iza geworstel het met parkering het ons n stampvol kerkie ingestap. Ds Cassie Carstens het gepreek en dit was lekker om hom en n ander paar ou vriende raak te loop.

Na ons vinnig n paar familie foto's voor die mooiste ou kerkdeur geneem het, is ons na onder-papegaai berg toe om met hulle couple foto's te begin.Daar is die coolste BMX baan daar onder sulke hoe bome. Die voordeel is dat die beligting goed is en ons het spasie. Ek het ook die mooiste sonlig gehad wat deur die bome gekom het. Die paartjie is baie fotogenies en hulle was so gemaklik voor die kamera.

Van daar af is ons na Bosmans Crossing waarek die mooiste ou muur ontdek het. Dit het die foto's n baie "urban" feel gegee. Ek is so spyt ons het nie meer tyd daar gehad nie.

By die onthaal gekom, sien ek grootste dansbaan wat ek nog gesien het nie. Die twee het omtrent daai dansvloer aan die brand gedans en die gaste was nie ver agter nie.
Loer gerus na die foto's. Click op die opskrif.

Mazeltov!

Dinsdag, 23 September, was ek by een my interessantste troues nóg gewees. ‘n Joodse troue!
In regte eendeweer het ek en Iza opgedaag by Simone waar sy besig was om klaar te maak. Die Kaap van Storms was weer sy ou self en ons moes bonstaan met die wind en weer. Sy het STUNNING gelyk. Mens moes 2 keer kyk om sekerte maak dis nie Penélope Cruz nie.

Die diens en onthaal was by Backsburg tussen Stellenbosch en Paarl. Anthony (die bruidegom) is self ook ‘n fotograaf en ek was nogal kwaai op my senuwees. My maag draai, maar voor elke troue al lyk ek so in beheer.

Joodse troues is WAY different as dié waaraan ek gewoond is en ek moes my Hebreeuse skills uitpluk om by te bly (ok, ok, ek verstaan nie rêrig Hebreeus nie). Daar is so baie dinge wat in die diens gebeur en dit was omtrent fassinerend gewees. Ek moes heeltyd myself herinner om foto's ook te neem.

Na die diens het ons die weer aangedurf en is Simone met my wit gumbootse die pruimboorde in. Ons het maar tussendeur gekoes vir die reën en het uiteindelik stunning foto’s gekry. Die kleure in die bewolkte toestande was ongelooflik.

En toe die onthaal...
Anthony het my gewaarsku, maar ek was nie voorbereid gewees nie. Soos die bruisdpaar instap toe begin daai mense dans. Tradisionele danse op hulle musiek. Ek wou begin borde stukkend gooi toe keer Adriaan (assistent) my en sê dis nie Griekse troue nie. In elk geval, die couple was op stoele 2 meter die lug in, het op ‘n laken die lug in geskiet, tou gespring en meer gemosh as wat jy by ‘n Nirvana-konsert gaan sien. En dan praat ek van ooms, tannies, vriende, almal!. Ek dink ek het tot die Rabbi gesien ritme hou met sy linkervoet.Na alles tot bedaring gekom het, was die res taamlik normaal. Alles was wel in oorvloed.

Sjoe, daai mense WEET hoe om te onthaal. Hierdie was verseker een van my hoogtepunte die jaar en een troue wat ek lank nog sal onthou!

Alfred se song

"‘n Romantiese piekniek, net vir een
Soos ‘n cappucino sonder room
soos ‘n seevakansie sonder son
Soos ‘n huilfliek sonder trane
so is dit sonder jou"

My goeie vriendin Elmarie en Alfred het op Saterdag, 20 September getrou. Die woorde hierbo is wat sy geskryf het terwyl hy in Engeland was. En sy hier.

Ek het die voorreg gehad om die love story van die begin af te sien ontvou. En des te meer die voorreg om deel te kon wees van hulle troue.
Iza het Elmarie se grimering gedoen. El het omtrent gestraal. Dalk die grimering, dalk El se opgewondenheid. Ek probeer nog uitfigure.
Met El se fotosessie voor die tyd het die klomp omtrent hulleself doodgelag vir my pogings om vir El te demonstreer presies hoe ‘n model op ‘n loopplank afloop. Hein het ongelukkig bewyse van my powere pogings. Ek het soos Riekert Crawford gevoel.
Ek het omtrent helfte van die gaste geken en kon ook vir ‘n slag aan die einde van die aand my kamera wegsit en bietjie die dansbaan aandurf.

Websites

Yip, My blog en group was bietjie stil gewees afgelope tyd. Rede was omdat ek bietjie op "vakansie" was met fotos. Ek het n volle 5 weke afgehad. Dit was hemels. Goed om bietjie weer die batterye te recharge.Ek het nou weer 5 troues in n ry, so die break was rerig great gewees.

Mense vra my gereeld oor hoe hulle, hulle fotografie kan verbeter.

Ek het 2 groot tips.
1. Lees, luister en kyk na soveel info wat jy kan kry.
2. Vliegure. Spandeer soveel tyd as moontlik op jou kamera.

Ek gaan bietjie vandag gesels oor punt 1.

Die Internet het absoluut fotografie kom oopbreek. Dis n praktiese voorbeeld van Globalisation.Jy kan gebook word deur mense wat in Kanada sit. Jy kan ook leer van iemand wat in Hong Kong sit. Daar was nog nooit in die geskiedenis n beter tyd om fotografie te doen nie as nou nie. Ek wil graag vir julle van n paar websites vertel wat julle dalk sal inspireer en laat groei

1. YouTube.com
Tik gerus "photography" of iets soortgelyks. Daar is letterlik duisende videos oor fotografie. Loer gerus na die link oor off camera flash met speedlights.
http://www.youtube.com/watch?v=bUOfBY05_K8

2. Kenrockwell.com
Een van die eerste websites waareen ek gewoonlik gaan wanneer ek wil oplees. Die ou is baie reguit en gee gewoonlik baie akkurate reviews. Hy het baie interesante artikels oor fotografie self ook.

3.Steves-digicams.com
Die is meer n website vir produkte. As jy n nuwe kamera soek is die gewoonlik die plek om te begin.

4. Podcasts
Dit is gewoonlik artikels in Audio formaat. n Fotograaf sal n praatjie he oor bv shutterspeed en dit dan opneem. Jy kan dit aflaai en either op jou Ipod speel of luister op enige ander MP3 speler.Een voorbeeld is http://www.thedigitalstory.com/podcast. Jy kan gratis Mp3's daar aflaai.

5.Pix.co.za
n RSA tydskryf wat elke 2 maande uitkom. Gaan soek dit in CNA as jy kans kry. Ek hou al myne. Die artikels bly relevant en leersaam.

6.bhphotovideo.com
Alhoewel ek daarin glo om eerder RSA produkte te koop, voel ek nog steeds ingedoen deur ons "groot" labels in RSA. Ek kan nou nog nie glo dat ons in die fotografie winkel in RSA soveel meer moet betaal as iemand in London, New York of Sydney. Daarom koop ek eerder my produkte op die internet. Mens moet versigtig wees en besef dis n effort as iets breek. Ek soek eerste by BhPhotovideo in die VSA. Speel gerus bietjie op hulle site rond.

Ek hoop jy kon darem iets wys word. Speel bietjie op my blog/site rond as jy n kans kry. http://www.rcphoto.za.net/
As jy lus is, join gerus my facebook group
Groete!
Riekert

Make-up, Hare, Wyn, Fotos...

"Dit voel weird om die kant te wees" was Ellma se eerste woorde toe ek instap.

Haarkapper en grimeer kunstenaar, Ellma en Wynmaker Rehan het getrou in die Paarl.
Wat veronderstel was om n "wintertroue" te wees, uit uitgedraai op n tipiese somersdag.

Ek en Ellma het al n paar keer saam gewerk en ek was nogals gevlei toe sy my vra om hulle fotos te doen. Sy doen ook gereeld troues en ken die bedryf goed.

Sy het gese dit was baie anders om op die stoel te sit as om te staan en n diens te verskaf. Dit was rerig n stunning troue en dis altyd lekker om troues te doenwaar jy weet die paartjie is bedoel vir mekaar. Dit maak die fotos net soveel makliker.

Ons het voor die Paarl se stadsaal begin met hulle couple fotos. Ek wou so n bietjie outydse "razzle dazzle" feel in die fotos insit en die pilare het rerig goed gewerk.Van daar is ons na Picardi toe en opgegaan in die berg en n paar fotos gaan neem. Hulle was baie gemaklik en overall was ek baie gelukkig met hoe die fotos uitgekom het.
Die troue self was n groot sukses en ek dink hulle het tot Laaaaat gekuier.

Gaan loer gerus na paar van hulle fotos.

Scott Kelby’s Worldwide Photo Walk: Kaapstad

So staan ek toe mos 6:30 op vanoggend. Een van die min Saterdae wat ek actually af is, en toe gaan neem ek wragtig foto’s.

Scott Kelbly het sopas sy "Lightroom 2 Book" gelaunch en saam met dit was ons 7000+ fotograwe in 250 stede wat vandag (Saterdag, 23 Aug) saam gestap en foto’s gaan neem het.

‘n Twee uur fotostaptoer wat opgeëindig het met ‘n koffie by Caramello’s in Kloofstraat, Kaapstad.

Ons het so 8:00 in die Bo-Kaap begin. Terwyl Ruan (ons stapleier) die "brief" gegee het, het ek in ‘n hoekkafee vir my ontbyt gesoek. Ek dink ek sou enige oomblik uitpass van die honger. My opsies was samoesas en.... samoesas. Het die mense nog nie van muffins gehoor nie?

Toe ons in die pad val (50 van ons en ek met ‘n groen piesang) was die huise, mense en duiwe skoon nervous met al die lense. Van die duiwe het actually sonbrille opgesit soos die paparazzi hulle afgeneem het.

Ek was bietjie nervous aan die begin met al die "kompetisie" om my, maar het gou besef dat hierdie is net ‘n dag saam met vriende wat passievol oor dieselfde goed as ek is. Dit maak nie saak of ons foto’s ook dieselfde lyk nie. Dit gaan oor die saamkuieren leer by mekaar. Dit was rêrig flippen lekker.
As julle bietjie meer wil uitvind oor wat almal aangevang het gaan na:
Om na van my foto’s te kyk, kliek hier.
Om die res van die ouens se fotos te sien kliek hier.

Streetshooting in Stellenbosch se strate

Wat ‘n amazing dag het ons nie gehad nie. Iza is 4:30 vanoggend uit die huis uit om met Mariaan se make-up en hare te begin.
Ek het so 6:30 gery. Stellenbosch het nog geslaap toe is ons al aan die gang. Mariaan dra nooit make-up nie en Iza moes bontstaan om haar "foto-gereed" te kry.
Soos julle in die fotos sal sien het sy absoluut stunning gelyk en Tyrone self ook nie te sleg nie :-)


Omdat dit ‘n oggendtroue was het ons besluit om die foto’s voor die tyd te neem. Die voordele is:
• Die strate is nog lekker stil
• Die natuurlike lig is great
• Langer kuiertyd saam met die gaste

Ek dreig al lankal om ‘n properse "Street shooting"sessie te doen en dié was die ideale geleentheid. Die twee was net so baie sports en ons het rêrig baie mooi foto’s geky.

Na die diens in die Moedergemeente is ons Lanzarac toe vir die onthaal. Lekker ding is dat ek klomp van die gaste geken het (ek en Tyrone is altwee kranige touch rugby-spelers...ok, Tyrone bietjie meer as ek). Ek kon dus lekker met die gaste interact wat die groepfoto’s baie lekker gemaak het.
Ons het lekker gekuier die res van die oggend en ek en Iza was te dankbaar om die aand (18 ure later) in die bed te val met smiles op gesigte en die wete dat ons vandag deel was van iets amazing.
Loer gerus na die foto’s.

Die Pienkprinses wat nooit van pienk gehou het nie

Anne en Simon het langs ‘n meer by Elgin Country Club getrou. So nat soos dit verlede week was, so perfek was die weer dié week.

As jy Anne ontmoet het sou jy nooit gesê het dat sy van pienk hou nie, maar toe sy in die isle afstap was dit net perfek.Die meer was so rustig en dit het die pas aangegee vir die res van die troue.

Na die diens het ons foto’s langs en op ‘n spoor geneem. Ons beligting was uitstekend met die laatmiddagson en ons het afgeëindig met ‘n visstok in Simon se hand (een van sy groot passies).Die agtergrond vir die groepfoto’s was stunning met die water wat alles weerkaats het en die berg wat diepte gegee het.

Hierdie was een van daai sosiale troues waar die mense sommer vinnig-vinnig gemingle het en lekker saamgekuier het.


Iza (my assistent) het die stunning foto geneem taamlik laat die aand op die dansbaan. Click op die link om meer van hulle fotos te sien.

Willem en Maja - 5 Julie 2008, Houw Hoek inn

Die winter is met mening terug, nê! Ons het net gedink die dae word nou weer langer toe steek die koue behoorlik sy kop uit.

Vyfde Julie , Houw Hoek Inn, 20km anderkant Grabouw was die venue vir Maja en Willem se troue.

Na ek eers bietjie in die verkeer vasgesit het op die N2 (dankie vir daai "geniuses" wat verantwoordelik is vir die verkeersligprogrammering van Somerset-Wes) het ek darem betyds en druipnat by Maja gearriveer. Daar gekom, sien ek my sambreel lê by die huis en moes ek doen met ‘n "girlie" sambreel. NICE.

Iza kon my ook nie help dié keer nie. Sy het gewerk en ek moes toe self al my toerusting rondkarwei en ligte opstel (weereens die waarde van n clever helper besef).

Ek en Maja het toe die koue en reën trotseer en in so stegie ‘n paar nice foto’s gekry. Eventually is ons na die chapel toe met die reën wat net meer en meer raak.
Die diens was stunning en toe ons buite kom het dit oopgetrek en kon ons die kleurvolle agtergrond ook inkry in die foto’s. Willem en Maja was naturals en ek kon ‘n paar oomblikke vasvang waar hulle die dag ervaar presies soos wat dit was.
Hulle het n rustic feel aan hulle troue gehad en die dag was regtig ‘n verlenging van hulle persoonlikhede. Dit was spesiaal om dit te kon deel en julle kan gerus na hulle foto’s loer.

Interessant is dat Houw Hoek Inn die oudste werkende hotel in die land is. Erens in die 1700's begin. Ek sweer ek het ‘n oom ook daar gesien wat uit die 1700's uit kom.
Ek het ook weer vir Theo (die beste DJ in die Wes-Kaap) raakgeloop. Hy het sommer vroeg-vroeg die dansbaan volgemaak.

PIERRE EN ANLI - 7 Junie 2008

Drie weke na die troue is ek darem ook toe klaar met die foto's.

Hierdie was omtrent 'n "nuwe" troue. Ek het 'n nuwe kamera (Nikon D300), nuwe beligting (2 sambrele, pocket wizzards en 'n beauty dish)en ook nuwe editing sagteware(lightroom) probeer. Soos enigiets in die lewe beteken "nuut" eintlik "leer".

Ek moes lightroom van die begin af leer. Ek het dit maar gesien as 'n leerskool en seker omtrent 3 keer langer gevat as gewoonlik. Gelukkig het ek 3 weke af met troues. So dit het op die perfekte tyd gekom.

Wat aanvanklik stadig begin het, het al hoe vinniger geraak soos wat ek aangegaan het. Lightroom het 'n paar stunning nuwe effects wat die foto's NOG meer natuurlik laat lyk.

Die venue Roodezandt in Tulbagh is ook stunning en ons het lekker baie tyd gehad.

Pierre en Anli was groot sports so daar is nie 'n manier dat die fotos kon flop nie ;-)Dit was nogal baie "sattisfying" toe ek die foto's in slideshow-formaat vir Anli-hulle wys, toe loop die trane by foto 2 al!

Ek het maar net weer besef hoe persoonlik foto's is en hoe groot voorreg en verantwoordelikheid dit is om elke keer jou beste werk te doen.

Loer bietjie rond op my site vir Anli en Pierre se foto's.

groete!

Riekert

Photoshop, lightroom of ACDSee

Mense wat meer van fotografie begin leer vra my soms watse sagteware hulle moet koop.

My 1ste raad aan hulle is gewoonlik om te kyk wat is op die cd wat saam met die kamera gekom het. Speel bietjie rond daarmee.As jy nog steeds voel dis nie voldoende nie, kyk dan eers rond.

Photoshop

Die big daddy van Editing-sagteware was nog altyd Adobe Photoshop gewees. Hy was dan gewoonlik ook die duurste. CS2 en CS3 is opgedateerde weergawes hiervan. Twee jaar terug sou ek vir jou gesê het: "Koop Photoshop en jy gaan nooit terugkyk nie". Dit bly 'n amazing program maar daar is ander opsies ook.

ACDSee

Wat in 1997 begin het as 'n thumbnail viewer het intussen uitgebrei tot 'n taamlik volledige Editing-program. As jy nie sooo rekenaargeletterd is nie sou ek verseker dié voorstel.

Picassa

Google het Picassa uitgebring in 2004 as 'n gratis program. Meer limited as ACDSEE maar die voordeel is: dis gratis.

Lightroom

In 2006 bring Adobe 'n nuwe program uit genaamd Lightroom. Dis gemik op professionele fotograwe wat met foto's werk en nie noodwendig dankiesê-kaartjies wil maak nie. Deur fotograwe vir fotograwe. Die tweede weergawe (beta version) kan nou verniet afgelaai word vir 30 dae se gebruik.

Die res

Daar is 'n legio ander programme wat ek ongelukkig glad nie ken nie en dus ook nie 'n uitspraak oor kan lewer nie. My ondervinding is maar met die boonste 4.

Gevolgtrekking

As jy geld wil spandeer en rekenaarkennis het gaan vir Lightroom. Ek dink dis die toekoms van Photo editing, dis waarheen dit beweeg. Daar is 'n paar tekorkominge, maar wanneer hulle die finale weergawe loslaat gaan dit amazing wees. Soos alles in die lewe moet jy mooi gaan dink wat jy wil doen met die produk en daarvolgens jou keuse maak.

Admin Admin Admin

Sjoe, wat 'n jaar..

Dit was omtrent woelig dié jaar. En dit was julle klomp wat my so besig gehou het. Dankie vir elkeen van julle se aandeel daarin dat ek my passie kon uitleef. Sonder julle sou ek Saterdae my tv-kas afgeneem het.

Winter is ons troufotograwe se herlaaityd. Trouseisoen het sopas geëindig en begin weer ampertjies een van die dae. Ek is nou druk besig om al my admin agtermekaar te kry vir die volgende seisoen. Net graag 'n paar goedjies:

1. Albums

Ek weet dit was die een ding wat amper almal sê hulle nie regtigwaar in Suid-Afrika kan kry nie. Ek het toe bietjie gaan soek en uiteindelik iets gekry waarmee ek rêrig gelukkig is.Loer asseblief na die webblad en laat weet maar as julle belangstel: . http://www.rcphoto.za.net/albums.asp

2. Facebook

Jip, ek het ook geswig en 'n facebook-groep begin. Dit sal cool wees as julle kan join as julle op facebook is. Soek maar net vir “Riekert Cloete Photography”.

3. Website

My website is ook UITEINDELIK opgedateer. Gaan loer gerus bietjie as julle n kans kry. http://www.rcphoto.za.net/

4. Ander fotografie

Ek is geleidelik besig om my besigheid bietjie uit te brei om verskillende tipe fotografie ook toe doen. So as julle weet van mense wat ander tipe werk soek, stuur gerus aan.

Ek hoop die winter is darem nie te koud nie en hoop ons loop mekaar weer raak op 'n troue êrens!

Weereens baie dankie vir al die verwysings.
Groete

Riekert

http://www.rcphoto.za.net/

Terug in die regte wêreld...

Die naweek in Tulbach was rerig fantasties gewees. Ek het Pierre en Anli se troue gedoen.

Wat dit so lekker gemaak het is die feit dat ek so baie mense geken het. Ek was ook die sidekick (Bridesmaid) se sidekick (date).

Van die sneeu het toe niks gekom nie. Dit was wel lekker chili in die aand. n Regte wintertroue. Anli was baie braaf met die fotosessie. Ons het die mooiste setting gehad vir die fotos en ek het ook die 1ste keer bietjie my nuwe sambrele en nuwe D300 uit probeer.

Die verdict: SUKSES

Ek het net vreeslik rongehardloop om batterye te ruil want my een flash word geaktiveer met die ander flash. So elke keer as iemand n foto neem dan gaan my flash af. Ek dink die gaste sal baie in hulle skik wees met die goeie beligting op hulle fotos . :)

Ek sal julle op hoogte hou oor hoe die fotos toe uitgekom het.

groete!

Riekert

Begin by die Begin

Met die dat die trou seisoen ook nou tot n einde gekom het, het ek besluit dat ek n biejie meer van die internet moet gebruik vir my fotografie. Dit is immers n besigheid...

Nou gaan ek n poging tot blogging aanwend ook. Hopelik vind jy dit interesant.

More het ek n troue in Tulbach. Ek het gehoor dit gaan dalk sneeu. EK KAN NIE WAG NIE!

Imagine troufotos in die sneeu... wow...

Sal julle op hoogte hou.

Groete uit n koue rekenaarkamer laat op n vrydagaand

Riekert