Die winter is met mening terug, nê! Ons het net gedink die dae word nou weer langer toe steek die koue behoorlik sy kop uit.
Vyfde Julie , Houw Hoek Inn, 20km anderkant Grabouw was die venue vir Maja en Willem se troue.
Na ek eers bietjie in die verkeer vasgesit het op die N2 (dankie vir daai "geniuses" wat verantwoordelik is vir die verkeersligprogrammering van Somerset-Wes) het ek darem betyds en druipnat by Maja gearriveer. Daar gekom, sien ek my sambreel lê by die huis en moes ek doen met ‘n "girlie" sambreel. NICE.
Iza kon my ook nie help dié keer nie. Sy het gewerk en ek moes toe self al my toerusting rondkarwei en ligte opstel (weereens die waarde van n clever helper besef).
Ek en Maja het toe die koue en reën trotseer en in so stegie ‘n paar nice foto’s gekry. Eventually is ons na die chapel toe met die reën wat net meer en meer raak.
Die diens was stunning en toe ons buite kom het dit oopgetrek en kon ons die kleurvolle agtergrond ook inkry in die foto’s. Willem en Maja was naturals en ek kon ‘n paar oomblikke vasvang waar hulle die dag ervaar presies soos wat dit was.
Hulle het n rustic feel aan hulle troue gehad en die dag was regtig ‘n verlenging van hulle persoonlikhede. Dit was spesiaal om dit te kon deel en julle kan gerus na hulle foto’s loer.
Interessant is dat Houw Hoek Inn die oudste werkende hotel in die land is. Erens in die 1700's begin. Ek sweer ek het ‘n oom ook daar gesien wat uit die 1700's uit kom.
Ek het ook weer vir Theo (die beste DJ in die Wes-Kaap) raakgeloop. Hy het sommer vroeg-vroeg die dansbaan volgemaak.
2 comments:
Riekert! You are a genius! Thanking you a million times will never be enough! You made our day so special, you have taken incredibly beautiful photos, when i saw them i didn't know weather to laugh or cry, i was overwhelmed! thank you for your professionalism, your amazing attitude on the day, for getting down and dirty in the mud to get the perfect "shot" for being so nice to some of our kooky guests, for capturing everything! Thank you also for reccomending Theo, he was awesome too! We are eternally grateful! Willem and Maja
GRoot plesies julle! Julle was awesome!
Post a Comment